پاکستان کی معروف اسپورٹس پریزینٹر زینب عباس سے  جنوبی افریقا کی ایس اے 20 لیگ میں چوکا روکتا فیلڈر ٹکرا گیا جس کے باعث وہ گر پڑیں۔

زینب عباس دنیا بھر میں مقبول ہیں جن کی شخصیت سے ناصرف ملکی بلکہ غیر ملکی افراد بھی متاثر ہیں، حال ہی میں آئی سی سی ٹی ٹوئنٹی ورلڈکپ میں بطور پریزینٹر مداحوں کا دل جیتنے والی زینب ان دنوں جنوبی افریقا میں موجود ہیں۔

سپر اسپورٹس کی جانب سے شیئر کردہ ویڈیو میں دیکھا جاسکتا ہے کہ بیٹر نے جیسے ہی بلا گھمایا تو گیند ہوا میں اڑتی ہوئی باؤنڈری لائن کی جانب بڑھنے لگی، باؤنڈری پر کھڑی ایونٹ کور کرتی زینب نے کہا کہ ‘گیند سیدھا ہماری جانب آرہی ہے’۔

"This is coming straight for us.." 🫣@ZAbbasOfficial, you good? 🤣@CapeTownCityFC your manager somehow avoided the contact! pic.twitter.com/32YPcfLCMf

— SuperSport 🏆 (@SuperSportTV) January 18, 2023

یہ الفاظ ابھی ان کے منہ میں ہی تھے کہ چوکا روکنے کے لیے آتا فیلڈر ان سے ٹکرا گیا جس کے باعث وہ گر پڑیں۔

گرنے کے فوراً بعد اٹھتے ہوئے زینب سے ساتھی پریزینٹر نے خیریت دریافت کی تاہم انہوں نے سنبھل کر مسکراتے ہوئے جواب دیا۔

خیال رہے کہ 10 جنوری کو زینب نے ٹوئٹر پر اعلان کیا تھا کہ وہ کرکٹ جنوبی افریقا کی جانب سے ہونے والی لیگ کے ابتدائی سیزن کی میزبانی کریں گی۔

Good afternoon from Cape Town, a stunning backdrop, looking forward to working with the fabulous @SuperSportTV team & hosting the @SA20_League – Newlands ❤️❤️❤️ pic.twitter.com/elHAWol5a2

— zainab abbas (@ZAbbasOfficial) January 10, 2023