کراچی (نیوز ڈیسک) سینئر اداکار بہروز سبزواری نے اپنی بہو اور ماڈل صدف کنول کے حاملہ ہونے کی تصدیق کردی۔ حال ہی میں بہروز سبزواری نے ایک نجی ٹی وی چینل کی رمضان ٹرانسمیشن میں بطورِ مہمان شرکت کی۔ اس رمضان ٹرانسمیشن کا ایک ویڈیو کلپ سوشل میڈیا پر وائرل ہورہا ہے جس میں بہروز سبزواری کو اپنی بہو صدف کنول سے متعلق گفتگو کرتے ہوئے دیکھا جاسکتا ہے۔

بہروز سبزواری نے کہا کہ میری بہو صدف کنول بہت پیاری بچی ہے اور فی الحال میں ان کے لیے دعائوں کی درخواست کرنا چاہوں گا۔انہوں نے کہا کہ ماشااللہ! صدف کنول بہت جلد ماں بننے والی ہیں اور میں ایک بار پھر چھوٹی عمر میں دادا بن جائوں گا۔ اداکار نے مزید کہا کہ میں اپنی اولاد کو وقت نہیں دے سکا لیکن الحمداللہ اپنی اولاد کے بچوں کو بھرپور وقت دوں گا۔