بلومفونٹین: جنوبی افریقا میں ہلکے طیارے کے حادثے میں 22 سالہ پاکستانی نوجوان پائلٹ جاں بحق ہوگیا۔
موصولہ اطلاعات کے مطابق 22 سالہ محمد افنان فیاض کا طیارہ برام فشر انٹرنیشنل ائیرپورٹ کی حدود میں گرا اور اس میں آگ لگ گئی، ایئر پورٹس کمپنی ساؤتھ افریقا کے مطابق پائپر طیارہ ایئر فیلڈ کے علاقے میں گرا۔
ہوا بازی کا شوقین محمد افنان فیاض کمرشل پائلٹ لائسنس حاصل کر چکا تھا۔
لاہور سے تعلق رکھنے والے محمد افنان فیاض کے والد فیاض احمد دبئی میں خلیجی ایئر لائنز میں ایئر کرافٹ انجینیئر ہیں جبکہ اجمان میں امریکن اسکول کا گریجویٹ افنان اپنے بہن بھائیوں میں سب سے بڑا تھا۔
محمد افنان کیپ ٹاؤن سے جہاز اڑا کر آیا تھا۔
