بھارت کی ریاست کیرالہ میں کنونشن سینٹر میں 3 دھماکے ہوئے جس کے نتیجے میں ایک خاتون ہلاک اور متعدد افراد زخمی ہوگئے۔

بھارتی میڈیا کے مطابق دھماکے کیرالہ کے علاقے ایرناکولم میں کنونشن سینٹر میں ہوئے، فی الحال دھماکوں کی وجوہات کا پتہ نہیں چل سکا ہے۔

بھارتی میڈیا کے مطابق کنونشن سینٹر میں موجود لوگوں نے بتایا ہے کہ دھماکے کچھ ہی منٹس کے اندر ہوئے جس کے بعد وہاں بھگدڑ بھی مچ گئی تھی۔

بھارتی میڈیا کے مطابق حکام نے دھماکا خیز مواد کھانے کے ڈبے میں ہونے کا شبہ ظاہر کیا ہے۔

بھارتی میڈیا کے مطابق جس ہال میں دھماکا ہوا وہاں 2 ہزار افراد کی گنجائش ہے۔