بھارت کے شہر علی گڑھ کی ایک سڑک پر قرض دار باپ بیٹے کو فروخت کرنے پر مجبور ہوگیا۔
بھارتی میڈیا پر ایک مجبور اور لاچار قرض دار باپ کی اہلیہ اور دو بچوں کے ہمراہ ویڈیو شیئر کی گئی ہے جس میں 45 سالہ راج کمار کو علی گڑھ کے ایک بس اسٹینڈ پر ’ بیٹا برائے فروخت ‘ کا بینر گلے میں لٹکائے غمگین انداز میں کھڑے دیکھا جاسکتا ہے، بینر پر درج ہے کہ ’میرا بیٹا برائے فروخت ہے اسے میں بیچنا چاہتا ہوں‘۔
In #UttarPradesh's #Aligarh, a man reeling under debt and being allegedly harassed by his lenders sat with his family at a prominent crossing with placard hanging around his neck that read "My son is up for sale. I want to sell my son". pic.twitter.com/SFcari4iio
— Hate Detector 🔍 (@HateDetectors) October 28, 2023
رپورٹ کے مطابق راج کمار نے گھر خریدنے کے لیے چندرا پال نامی شخص سے 50 ہزار روپے سود پر ادھار لیے تھے لیکن چندرا پال کی ہیرا پھیری کے بعد انہیں جائیداد اور پیسوں دونوں سے ہاتھ دھونا پڑا حتیٰ کہ وہ اس سے پہلے تک چندراپال کو 6 لاکھ روپے ادا کرچکے ہیں اور باقی ادائیگی کی کوشش کررہا ہے۔
راج کمار کا کہنا ہے کہ ’اب چندراپال مجھے میرے بچوں کے سامنے بے عزت کرتا ہے حتیٰ کہ اس نے مجھے اور میرے بچوں کو مار پیٹ کر گھر سے بھی باہر نکال دیا ہے، میرے پاس روزگار کا ذریعہ ہی صرف میرا رکشہ تھا اس رکشے کو بھی چندراپال نے مجھ سے چھین لیا، میں نے جب چندرا پال پر مقدمے کیلئے پولیس اسٹیشن گیا تو انہوں نے ایف آئی آر کاٹنے سے انکار کردیا.‘۔
بھارتی میڈیا رپورٹس میں باپ کی لاچارگی سے متعلق مزید بتایا گیا ہے کہ قرضے سے تنگ بھارتی شخص اب 8 لاکھ میں اپنا چھوٹا سا بیٹا فروخت کرنا چاہتا ہے‘۔
