سابق انسپکٹر جنرل (آئی جی) جیل خانہ پنجاب جات شاہد سلیم بیگ کو حراست میں لیے لیا گیا۔
نجی ٹی وی کی رپورٹ کے مطابق سابق آئی جی جیل کو حساس اداروں سے قریبی رابطوں کی بنا پرحراست میں لیا گیا، وہ پانچ سال آئی جی جیل خانہ جات رہے جب کہ شاہد سلیم بیگ سابق وزیر اعظم عمران خان کےجیل جانےسے پہلے ریٹائر ہوچکے تھے۔
رپورٹ کے مطابق شاہد سلیم بیگ کو ان کی سرکاری رہائش آئی جی ہاؤس سےگرفتار کیا گیا۔
دوسری جانب گزشتہ روز حراست میں لیے گئے اڈیالہ جیل کے سابق ڈپٹی سپرنٹنڈنٹ ظفر سے بھی تحقیقات جاری ہیں جب کہ ڈی آئی جیل راولپنڈی کے دفتر کے حراست میں لیے گئے ایک آفس سپرنٹنڈنٹ ناظم علی شاہ سے بھی پوچھ گچھ کی جا رہی ہے۔
ڈپٹی سپرنٹنڈنٹ محمد اکرم کے اردلی کو بھی حراست میں لے لیا گیا جب کہ اڈیالہ جیل کا ایک وارڈر اور ہیڈ وار ڈر بھی زیر حراست ہے۔
