پی ٹی آئی کے ترجمان شیخ وقاص اکرم نے کہا ہے کہ من گھڑت شواہد کی بنیاد پر جھوٹے بیانیے تراشنے کی مہم نئی نہیں، بشریٰ بی بی پاکستان کی شہری ہیں، کسی سیاسی رہنما کی حیثیت میں نہیں، عظمی بخاری تمیز کے دائرے میں فرسٹریشن کا اظہار کریں۔
وزیر اطلاعات پنجاب عظمیٰ بخاری کی پریس کانفرنس پر ترجمان پی ٹی آئی نے ردعمل میں کہا ہے کہ عظمیٰ بخاری کی پریس کانفرنس شکست خوردہ سرکارکی خوف چھپانے کی ناکام کوشش ہے۔
شیخ وقاص اکرم نے کہا کہ بشری بی بی پاکستان کی حقیقی آزادی کیلئے جاری احتجاج کا حصہ ہیں، کل سے اب تک کئی مناظر دنیا کے سامنے آ چکے ہیں۔
انہوں نے کہا کہ پولیس اہلکاروں کو پکڑکر بحفاظت آزاد کیاجا رہا ہے، کسی بھی جانی و مالی نقصان کی ذمہ داری مینڈیٹ چوروں پر عائد ہوگی ۔
ترجمان پی ٹی آئی نے کہا کہ کسی معصوم کی جان کو کچھ خطرہ لاحق ہوا توحساب لیں گے، کنٹینرزکی فصیلیں کانپ رہی ہیں، حکمرانوں کو نوشتہ دیوار پڑھ لینا چاہیے ۔
حکمرانوں کو نوشتہ دیوار پڑھ لینا چاہیے، ترجمان پی ٹی آئی








