بانی: عبداللہ بٹ      ایڈیٹرانچیف : عاقل جمال بٹ

بانی: عبداللہ بٹ

ایڈیٹرانچیف : عاقل جمال بٹ

مولانا کا احتجاج میں  آناشیخ چلی کاخواب ، نواز  کو سزا  قانون کی حکمرانی پر حملہ تھا،شیرافضل مروت

اسلام آباد:رکن قومی اسمبلی شیرافضل مروت نے کہاہے کہ  پی ٹی آئی میں بہت سے لوگ ٹکراؤکی سیاست چاہتے ہیں، ٹکراؤکی سیاست کا غصہ ہم پر اور بانی پی ٹی آئی پرنکلتاہے، مولانافضل الرحمان ٹکراؤ کے حامی نہیں انکاہمارے ساتھ احتجاج میں آناشیخ چلی کاخواب ہے،اپنی بات پر قائم ہوں نوازشریف کو غلط سزاہوئی۔
نجی ٹی وی سے گفتگوکرتے ہوئے شیرافضل مروت نے کہاکہ  لڑائی دلیل سے لڑی جاتی ہے،پنجاب کی قیادت کو انقلابی بنناپڑے گا، عیدسے پہلے پی ٹی آئی ہاوس ان آرڈرکرناہوگابصورت دیگرعیدکے بعد بھی احتجاجی تحریک نہیں چل سکے گی تاہم انہوں نے کہاکہ جو بھی احتجاج ہوپاکستان میں ہوناچاہئے۔
انہوں نے کہاکہ چیف جسٹس سے پی ٹی آئی وفد کی ملاقات کاخاطرخواہ فائدہ نہیں ہوگا،وکلاء کو دی گئی فیسوں کا آڈٹ ہوناچاہئے ۔
انہوں نے کہاکہ مولاناکاہمارے ساتھ احتجاج میں میں آناشیخ چلی کاخواب ہے، مولانا26ویں ترمیم کے معاملے پر عین وقت پر داغادے گئے تھے۔
انہوں نے کہاکہ سلمان اکرم اڈیالہ جیل کے باہرکیمپ لگانے میں ناکام ہوں تو مجھے ضرور دعوت دیں،گلگت بلتستان میں سلمان اکرم راجہ کو انتخابی مہم چلانی چاہئے
ایک سوال پر انہوں نے کہاکہ نوازشریف کو سزابھی قانون کی حکمرانی پر حملہ تھااپنی بات پر قائم ہوں نوازشریف کو غلط سزاہوئی۔