کینیڈا کے صوبے برٹش کولمبیا کے نومنتخب وزیر اعلیٰ لورن ڈورکسن نے نئی صوبائی کابینہ کا اعلان کردیا ہے، جس میں پاکستانی نژاد ذیشان واہلہ(Zeeshan Wahla) کو وزیر مملکت برائے ہاؤسنگ مقرر کیا گیا ہے۔
20 نومبر کو وکٹوریہ میں گورنمنٹ ہاؤس میں منعقدہ تقریب کے دوران نئی کابینہ کے ارکان نے اپنے عہدوں کا حلف اٹھایا۔ نئی کابینہ میں 18 وزرا اور 6 وزرائے مملکت شامل ہیں، جبکہ 12 پارلیمانی سیکریٹریز بھی مقرر کیے گئے ہیں۔
NEW – Members of Doerkson’s cabinet get off the bus. I count 22 people – could include ministers & ministers of state.
They include A’aliya Warbus, Carson Binda, Peter Milobar, Caroline Elliott, Kristina Loewen, Anna Kindy, Gavin Dew, Jessy Sahota and Zeeshan Wahla. #bcpoli pic.twitter.com/VbyfJZCzod— Katie DeRosa (@katiederosayyj) November 20, 2026
ذیشان واہلہ صوبائی اسمبلی کے حلقے سرے سٹی سینٹر سے رکن اسمبلی منتخب ہوئے ہیں۔ انہیں ہاؤسنگ کے شعبے میں وزیر مملکت کی ذمہ داریاں سونپی گئی ہیں۔ اس شعبے کی مرکزی وزارت کیتھی اونسٹڈ کے پاس ہوگی، جو وزیر برائے بلدیاتی حکومت، ہاؤسنگ، کھیل اور ثقافت مقرر ہوئی ہیں۔
مزیدپڑھیں:زہریلی کھیر سے ایک ہی خاندان کے 5 افراد جاں بحق، بیٹی سمیت 4 افراد پر مقدمہ
نئی کابینہ میں جسّی سہوتا کو وزیر برائے عوامی تحفظ اور سالیسٹر جنرل، پیٹر ملوبار کو وزیر خزانہ، ریان پیٹرسن کو وزیر صحت اور کلیئر رٹی کو نائب وزیر اعلیٰ اور وزیر برائے سماجی ترقی مقرر کیا گیا ہے۔
وزیر اعلیٰ لورن ڈورکسن کے مطابق نئی حکومت کی ترجیحات میں عوام کے لیے زندگی کو سستا بنانا، معیشت کو مضبوط کرنا، صحت کی سہولیات بہتر بنانا، امن و امان کا تحفظ اور تعلیم و خاندانی نظام کو مضبوط کرنا شامل ہیں۔








