کراچی(نیوز ڈیسک)پاکستان شوبز کی معروف اداکارہ اسما عباس کا واٹس ایپ اکاؤنٹ ہیک ہوگیا، جس کے باعث ان کے قریبی افراد کو دھوکہ دہی کے پیغامات موصول ہو رہے ہیں۔

اداکارہ نے سوشل میڈیا پر جاری ویڈیو پیغام میں بتایا کہ انہیں ایک کال موصول ہوئی جس میں کہا گیا کہ ان کا پارسل پہنچ گیا ہے اور پارسل وصول کرنے کے لیے واٹس ایپ کوڈ فراہم کرنا ہوگا۔ اسما عباس نے یہ کوڈ بتا دیا، جس کے فوری بعد ان کا اکاؤنٹ ہیک ہوگیا۔

اداکارہ کی بہن اور سینئر فنکارہ بشریٰ انصاری نے ہیک شدہ اکاؤنٹ سے بھیجے گئے میسجز کے اسکرین شاٹس شیئر کیے، جس میں کسی جاننے والے سے 10 لاکھ روپے کی ادھار کی درخواست کی گئی تھی۔

اسما عباس نے عوام کو متنبہ کیا کہ رشتہ داروں اور دوستوں کو بھی انہی پیغامات موصول ہو رہے ہیں اور محتاط رہنے کی ضرورت ہے۔ انہوں نے کہا کہ اس طرح کے دھوکے عام ہو چکے ہیں اور لوگ اس سے بچیں۔

مشورہ:

واٹس ایپ کوڈ کسی کے ساتھ شیئر نہ کریں۔

غیر متوقع مالی درخواستوں پر فوری ردعمل نہ دیں۔

اکاؤنٹ ہیک ہونے کی صورت میں فوراً واٹس ایپ سپورٹ سے رابطہ کریں۔