ممبئی(نیوز ڈیسک) بالی ووڈ کے کنگ شاہ رخ خان کی بیٹی سہانا خان زرعی اراضی کی خریداری کے معاملے پر مشکل میں پڑ گئی ہیں۔

بھارتی میڈیا کے مطابق سہانا خان نے علی باغ میں واقع ایک زرعی زمین 12 کروڑ 91 لاکھ روپے میں تین بہنوں انجلی، ریکھا اور پریا سے خریدی، جو ان کی وراثتی ملکیت تھی۔

رپورٹ کے مطابق خریداری کے وقت جمع کرائی گئی دستاویزات میں سہانا کو مبینہ طور پر کسان ظاہر کیا گیا ہے، جس کی بنیاد پر اب یہ معاملہ قانونی تحقیقات کی زد میں ہے۔

واضح رہے کہ اس سے قبل سہانا نے 2023 اور 2024 میں مجموعی طور پر 22 کروڑ روپے مالیت کے دو پلاٹ خریدے تھے۔ یہ دونوں پلاٹ دیجاوو فارم پرائیویٹ لمیٹڈ کے نام پر رجسٹرڈ کیے گئے تھے، جس کی مالک گوری خان کی والدہ اور بھابھی ہیں۔