بالی وڈ اداکارہ دیشا پٹانی کے گھر کے باہر جمعہ کی شب 3:30 بجے نامعلوم موٹر سائیکل سواروں نے اندھا دھند فائرنگ کر دی، تاہم اداکارہ اور ان کے اہل خانہ محفوظ رہے۔
بھارتی میڈیا کے مطابق،روہت گودارا اور گولڈی برار گینگ نے حملے کی ذمہ داری قبول کرتے ہوئے سوشل میڈیا پر کہا کہ یہ حملہ دیشا کی بہن خوشبو پٹانی کے روحانی شخصیات سے متعلق مبینہ توہین آمیز بیان کے ردعمل میں کیا گیا۔
گینگ کی جانب سے فلم انڈسٹری کو وارننگ دی گئی کہ یہ صرف ایک ٹریلر تھا، اگلی بار نتائج سنگین ہوں گے۔ اداکارہ کے والدجگدیش پٹانی نے واقعے کی رپورٹ پولیس میں درج کرائی، جس کے بعدتحقیقات کے لیے 5 خصوصی ٹیمیں تشکیل دے دی گئی ہیں۔