ریاض / مکہ مکرمہ (نیوز ڈیسک)سعودی عرب میں عازمین حج کیلئے نجی نقل و حمل کا انتظام کرنے پر 7 پاکستانی شہریوں کو گرفتارکر لیا گیا ہے ۔عرب میڈیا کے مطابق گرفتار ہونے والے پاکستانی شہریوں پر الزام ہے کہ انہوں نے نجی نقل و حمل کا انتظام کیا اور عازمین حج کو مکہ جانے کیلئے گاڑیوں کو غیر قانونی طور پر استعمال کیا ہے۔رپورٹ کے مطابق ریاض پولیس نے ان پاکستانیوں کو گرفتار کیا ہے

جو مکہ مکرمہ جانے والے عازمین حج کیلئے پرائیوٹ ٹرانسپورٹ کی تشہیر میں ملوث ہیں۔رپورٹ میں کہا گیا ہے کہ ملزمان نے حاجیوں سے پیشگی رقم بھی وصول کرلی تھی۔پولیس ذرائع کا کہنا ہے کہ قانونی کاروائی کے لیے 8 افراد کو گرفتار کیا گیا ہے جنہیں پولیس پراسیکیوشن کے حوالے بھی کردیا گیا ہے۔اس سے قبل بھی ریاض پولیس مصری باشندے کو گرفتار کرچکی ہے جو اسی طرح کی جعل سازی میں ملوث تھا اور شہر میں بغیر لائسنس کے دفتر چلا رہا تھا۔