اسلام آباد (طارق محمود سمیر) – بنگلہ دیش کی سابق وزیر اعظم خالدہ ضیاء کی نماز جنازہ آج ادا کی جائے گی، جس میں پاکستان کی نمائندگی کے لیے سپیکر قومی اسمبلی سردار ایاز صادق ڈھاکہ پہنچ گئے ہیں۔
ڈھاکہ انٹرنیشنل ائیرپورٹ پر پاکستانی ہائی کمیشن کے اعلیٰ حکام نے سپیکر قومی اسمبلی کا استقبال کیا۔ سردار ایاز صادق، وزیراعظم شہباز شریف کی ہدایت پر، نماز جنازہ میں پاکستان کی نمائندگی کریں گے۔
نماز جنازہ کے بعد وہ خالدہ ضیاء کے اہل خانہ سے اظہار تعزیت کریں گے اور عبوری حکومت کے سینئر حکام سے ملاقات بھی کریں گے۔
بنگلہ دیش: سابق وزیر اعظم خالدہ ضیاء کی نماز جنازہ، سپیکر قومی اسمبلی ڈھاکہ پہنچ گئے
