اسلام آباد(نیوزڈیسک)سرکاری و پرائیویٹ حج اسکیم کے تحت سعودی حکومت کی تعلیمات کے مطابق حج 2026 کے لئے انتظامات کو حتمی شکل دی جا رہی ہے سعودی حکومت کی طرف سے انتظامات کو بر وقت مکمل کر نے پر تحسین کی گئی ہے پرائیویٹ سیکٹر نے عازمین حج کے لیے تربیتی نشستوں کا آغاز کر دیا ہے کاروان اشرفیہ سکھیرا اور کاروان سیف اللہ حج گروپ نے انٹرنیشنل زوم حج کانفرنس کا انعقاد کیا جس میں پاکستان سمیت امریکہ برطانیہ کینیڈا یورپ اور خلیجی ممالک سے بڑی تعداد میں پاکستانی عازمین حج نے شرکت کی کانفرنس سے ممتاز عالم دین شیخ الحدیث حضرت مولانا محمد یوسف خان معروف موٹیویشنل اسپیکرقاسم علی شاہ ممتاز معالج ڈاکٹر سلیم ناصر مذہبی اسکالر حافظ محمد شفیق اور ڈائریکٹر کاروان اشرفیہ محمد صداقت نے خطاب کیا ۔ شیخ الحدیث مولانا محمد یوسف نے قرآن وسنت کی روشنی میں فضائل حج اور اس کی فیوض و ثمرات پر خطاب کیا قاسم علی شاہ نے کہا کہ سفر حج دنیا کے اسفار سے مختلف ہے جو مالی اور بدنی عبادت کے ساتھ ساتھ ایک روحانی سفر ہے جو انسان زندگی بدل دیتا ہے حافظ محمد شفیق کاشف نے کہا کہ عازمین حج کے تربیتی نشستوں میں شرکت ناگزیر ہے سعودی عرب کے ویزن 2030ء کے مطابق بہترین خدمات اور انتظامات کے لئے سعودی ٹائم لائن بڑی معاون ثابت ہوئی ہے ڈاکٹر سلیم ناصر نے عازمین حج کو سعودی حکومت اور وزارت مذہبی امور پاکستان کی ہدایات کی روشنی میں ابتدائی تیاری کے لیے بہترین طبی مشورے دیئے ڈائریکٹر کاروان اشرفیہ محمد صداقت نے خطاب کرتے ہوئے اور عازمین حج کے سوالوں کے جوابات دیتے ہوئے کہا کہ سعودی حکومت کی تعلیمات اور ہدایات پر عمل کر کے سفر حج کو آسان بنایا جا سکتا ہے انہوں نے کہا حج میں دی گئی سہولتوں اور نظام کی پابندی کر کے اوورسیز پاکستانیز نجی شعبہ کی بہترین خدمات سے استفادہ کر سکتے ہیں