کوئٹہ: (نیوزڈیسک)لیاقت بازار میں واقع موبائل پلازہ میں اچانک آگ لگنے کا واقعہ پیش آیا تاہم بروقت کارروائی اور مؤثر حکمتِ عملی کے نتیجے میں آگ پر مکمل قابو پا لیا گیا۔

واقعے کی اطلاع ملتے ہی ایف سی بلوچستان (نارتھ)، ریسکیو 1122 اور سول انتظامیہ نے فوری طور پر مشترکہ اور مربوط ریسکیو آپریشن کا آغاز کیا۔

ریسکیو ٹیموں نے عمارت کو محفوظ بنایا اور قیمتی جانوں کے تحفظ کو یقینی بنایا جس کے باعث کسی قسم کے جانی نقصان کی اطلاع نہیں ملی۔

آگ پر قابو پانے کے لیے فائر بریگیڈ اور ریسکیو ٹیمیں بھی فوری طور پر موقع پر پہنچ گئیں۔

مشترکہ کوششوں کے ذریعے آگ کو مزید پھیلنے سے روکا گیا اور صورتحال کو قلیل وقت میں معمول پر لے آیا گیا۔

مقامی شہریوں اور دکان داروں نے ایف سی بلوچستان نارتھ، ریسکیو 1122 اور سول انتظامیہ کی بروقت اور مؤثر کارروائی کو سراہا اور ان کی خدمات کو قابلِ تحسین قرار دیا۔