بانی پی ٹی آئی کی بہن علیمہ خان نے کہا ہے کہ بانی کی صحت کے بارے میں جاری خبریں اہل خانہ کے لیے تشویش کا باعث ہیں، خاص طور پر اگر علاج کسی سرکاری اسپتال میں ہو رہا ہے تو یہ پہلو مزید تشویش پیدا کرتا ہے۔
مقامی میڈیا سے گفتگو میں علیمہ خان نے بتایا کہ اہل خانہ کو بانی کی صحت میں کسی بھی پیش رفت سے آگاہ نہیں کیا گیا۔
انہوں نے مزید کہا کہ بانی پی ٹی آئی کی آخری ملاقات عظمیٰ خان سے ہوئی تھی، اور اس کے بعد سے اب تک ان کی کوئی تازہ اطلاع نہیں ملی۔
علیمہ خان نے یاد دلایا کہ اس سے پہلے بھی بانی کو جیل سے باہر منتقل کرنے کی خبریں آئی تھیں، لیکن ماضی میں جب اہل خانہ نے وضاحت طلب کی تو بانی نے خود ان خبروں کی تردید کی اور کہا کہ یہ محض افواہیں ہیں۔