ملک میں پیٹرولیم مصنوعات کی قیمتوں میں یکم فروری سے نمایاں اضافے کا امکان ظاہر کیا جا رہا ہے۔ اوگرا نے قیمتوں میں ردوبدل سے متعلق اپنی ورکنگ مکمل کر لی ہے، جبکہ نئی قیمتوں کی سمری پیٹرولیم ڈویژن کو ارسال کی جا رہی ہے۔
ذرائع کے مطابق ہائی اسپیڈ ڈیزل کی قیمت میں 9 روپے 47 پیسے فی لیٹر جبکہ لائٹ ڈیزل آئل کی قیمت میں 6 روپے 95 پیسے فی لیٹر اضافے کا امکان ہے۔ اسی طرح مٹی کے تیل کی قیمت میں 3 روپے 69 پیسے فی لیٹر اضافہ متوقع ہے۔
تاہم صارفین کے لیے قدرے ریلیف کی خبر یہ ہے کہ پیٹرول کی قیمت میں 36 پیسے فی لیٹر کمی کا امکان ظاہر کیا جا رہا ہے۔
ذرائع کا کہنا ہے کہ پیٹرولیم ڈویژن وزیر اعظم سے مشاورت کے بعد نئی قیمتوں کا حتمی فیصلہ کرے گا، جس کا باضابطہ نوٹیفکیشن 31 جنوری کو جاری کیے جانے کا امکان ہے۔