سینیٹر خورشید احمد شاہ نے بنوں میں ہونے والے حالیہ دہشت گرد حملے کی شدید الفاظ میں مذمت کی ہے۔ انہوں نے کہا کہ لیفٹیننٹ کرنل سمیت قیمتی جانوں کے نقصان پر دلی افسوس ہے اور یہ واقعہ قومی خدمات اور قربانیوں کے جذبے کے پیش نظر انتہائی تکلیف دہ ہے۔
خورشید احمد شاہ نے مزید کہا کہ مادر وطن کے لیے شہادت ہماری قربانیوں کا روشن باب ہے اور دہشت گرد اور ان کے سرپرست اپنے مذموم عزائم میں کبھی کامیاب نہیں ہو سکتے۔
انہوں نے شہداء کے اہلِ خانہ سے دلی ہمدردی کا اظہار کرتے ہوئے دعا کی کہ شہداء کے درجات بلند ہوں اور زخمیوں کو جلد صحت یابی نصیب ہو۔
انہوں نے اس موقع پر عوام اور سیکیورٹی فورسز سے اپیل کی کہ وہ ملک کی حفاظت اور دہشت گردی کے خلاف جنگ میں ثابت قدم رہیں۔