تسنیم نیوز ایجنسی کے مطابق اتوار کو ایران کے صوبہ یزد پر اسرائیلی حملوں میں پاسدارانِ انقلاب کے کم از کم 10 اہلکار شہید ہو گئے۔ رپورٹ میں یہ بھی بتایا گیا کہ متعدد دیگر اہلکار زخمی ہوئے، تاہم ان کی تعداد واضح نہیں کی گئی۔
اسرائیل کا دعویٰ ہے کہ 13 جون سے شروع کیے گئے اچانک حملوں کے دوران اب تک ایرانی فوج کے تقریباً دو درجن کمانڈرز اور جوہری سائنس دان ہلاک ہو چکے ہیں۔
دوسری جانب، ایرانی میڈیا نے صبح کو ایرانی فوج کی جانب سے مار گرائے جانے والے اسرائیل کے جدید ہرمس 900 ڈرون کی فوٹیج نشر کی۔ لورستان نیوز نے اپنی ٹیلی گرام پوسٹ میں بتایا کہ یہ ڈرون پاسدارانِ انقلاب کے اہلکاروں نے صوبہ لورستان کے شہر خرم‌آباد میں ایک کارروائی کے دوران نشانہ بنا کر مار گرایا۔
یہ تازہ واقعات ایران میں جاری کشیدگی اور علاقے کی غیر یقینی صورتحال کو مزید بڑھا رہے ہیں۔