اسلام آباد: وفاقی حکومت (Federal Government) کے اس فیصلے پر عمل درآمد کرتے ہوئے کہ عوام کے لیے پیٹرولیم مصنوعات کی قیمتیں قابلِ برداشت سطح پر برقرار رکھی جائیں، آئل اینڈ گیس ریگولیٹری اتھارٹی (اوگرا) نے 34 آئل مارکیٹنگ کمپنیوں کو تقریباً 38 ارب روپے کے پرائس ڈیفرینشل کلیمز کی ادائیگی کا عمل مکمل کر لیا ہے۔

ترجمان اوگرا عمران غزنوی اوگرا کے مطابق وفاقی حکومت کے فیصلے کو ایک باقاعدہ اور منظور شدہ طریقہ کار کے تحت نافذ کیا گیا، جس کا مقصد کلیمز کی جانچ پڑتال اور ادائیگی کے پورے عمل میں شفافیت، مؤثریت اور بروقت تکمیل کو یقینی بنانا ہے۔

مزید پڑھیں:پاکستان کا ایک اور جہاز کویت سے آبنائے ہرمز کی جانب روانہ

اس مقصد کے لیے ایک جامع فریم ورک ترتیب دیا گیا، جو کلیمز کے منظم جائزے اور اہل کمپنیوں کو تیز رفتار ادائیگی ممکن بنانے میں مدد فراہم کرتا ہے، تاکہ مالی نظم و ضبط کو مزید مضبوط بنایا جا سکے۔

اتھارٹی نے اپنے عزم کا اعادہ کرتے ہوئے کہا ہے کہ پیٹرولیم مصنوعات کی قیمتوں میں استحکام کے لیے حکومتی اقدامات کی مکمل حمایت جاری رکھی جائے گی، جبکہ آئل سپلائی چین سے وابستہ تمام متعلقہ فریقین کے مفادات کا تحفظ بھی یقینی بنایا جائے گا۔

یہ بیان  کی جانب سے جاری کیا گیا۔