اڈیالہ جیل راولپنڈی میں زیرِ حراست بشریٰ بی بی(Bushra Bibi) کی ان کے اہلخانہ سے ملاقات کرائی گئی ہے۔
جیل ذرائع کے مطابق جمعہ کے روز بشریٰ بی بی کی فیملی اڈیالہ جیل پہنچی، جہاں ان کی بیٹی مبشرہ شیخ اور بھابی مہرالنساء کی ملاقات کروائی گئی۔ ملاقات جیل کے کانفرنس روم میں منعقد ہوئی۔
ذرائع کا کہنا ہے کہ ملاقات کے دوران اہلخانہ نے بشریٰ بی بی کی صحت خصوصاً ان کی متاثرہ آنکھ کے حوالے سے دریافت کیا۔ اس کے علاوہ زیر سماعت مقدمات سے متعلق بھی تفصیلی گفتگو کی گئی۔
ملاقات تقریباً 45 منٹ جاری رہی، جس کے بعد اہلخانہ اڈیالہ جیل سے واپس روانہ ہوگئے۔
