میکسیکو(Mexico )کی حکومت نے فیصلہ کیا ہے کہ فیفا ورلڈکپ 2026 کے دوران Iran کی فٹبال ٹیم اپنے قیام کے لیے میکسیکو میں ٹھہر سکتی ہے، یہ پیش رفت اس وقت سامنے آئی جب United States نے مبینہ طور پر ایرانی اسکواڈ کو اپنی حدود میں رہائش دینے سے انکار کیا۔

میکسیکو کی صدر Claudia Sheinbaum نے میڈیا سے گفتگو میں بتایا کہ فیفا کی درخواست پر ایرانی ٹیم کے لیے قیام کی منظوری دی گئی ہے، کیونکہ ٹیم کو ٹورنامنٹ کے دوران اپنے کچھ میچز امریکہ میں کھیلنے ہیں۔ ان کے مطابق میکسیکو کو اس فیصلے پر کوئی اعتراض نہیں۔

بعد ازاں FIFA نے بھی تصدیق کی کہ ایرانی ٹیم کا ٹریننگ بیس میکسیکو کے سرحدی شہر تیہوانا میں قائم کیا جائے گا۔

مزید پڑھیں؛محمد رضوان ٹی ٹوئنٹی اسکواڈ کا حصہ نہیں، مائیک ہیسن

رپورٹس کے مطابق ورلڈکپ 2026 کی مشترکہ میزبانی United States، Canada اور میکسیکو کر رہے ہیں، اور ایران کے میچز امریکہ کے مختلف شہروں میں شیڈول ہیں۔ اس صورتحال کے باعث ٹیم کے انتظامات اور ویزا پالیسیوں پر ابتدائی غیر یقینی پیدا ہوئی تھی۔

ایرانی وزیرِ کھیل احمد دونیامالی کے مطابق فیفا نے ایرانی کھلاڑیوں کے لیے امریکی ویزوں کی یقین دہانی بھی کرائی ہے۔ تاہم بعض شرائط اور سیکیورٹی معاملات کے باعث ویزا پالیسی پر اب بھی بحث جاری ہے۔

دوسری جانب امریکی حکام کے مطابق عام کھلاڑیوں کو داخلے کی اجازت دی جائے گی، تاہم بعض افراد جن کے مبینہ تعلقات مخصوص عسکری اداروں سے ہوں، انہیں پابندیوں کا سامنا ہو سکتا ہے۔ اسی طرح Canada نے بھی کچھ ایرانی فٹبال حکام کے ویزے مسترد کیے ہیں۔