پاکستانی حجاج کرام کی وطن واپسی کے لیے سعودی عرب سے پروازوں کا سلسلہ کل 31 مئی سے شروع ہوگا۔

وزارتِ مذہبی امور کے مطابق پہلی حج پرواز Jeddah سے روانہ ہو کر Sialkot پہنچے گی، جس کے ذریعے 391 حجاج وطن واپس آئیں گے۔ یہ پرواز یکم جون کو پاکستان پہنچے گی۔

وزارت کے مطابق یکم جون کو 22 پروازوں کے ذریعے 5,237 حجاج کرام مختلف شہروں میں پہنچیں گے۔

حج آپریشن کے پہلے مرحلے میں 5 پروازیں اسلام آباد، 4،4 پروازیں کراچی اور لاہور، 3،3 پروازیں ملتان اور سیالکوٹ جبکہ 2 پروازیں فیصل آباد اور ایک پرواز کوئٹہ پہنچے گی۔

مزیدپڑھیں:مامیا شاہ جعفر نے خطرناک بیماری میں مبتلا ہونے کا انکشاف کردیا

حکام کا کہنا ہے کہ حج آپریشن کی آخری پرواز 30 جون کو لاہور پہنچے گی، جبکہ مدینہ منورہ سے واپسی کی پروازوں کا آغاز 3 جون سے ہوگا۔

وزارتِ مذہبی امور کے مطابق سرکاری حج اسکیم کے تحت 471 پروازوں کے ذریعے ایک لاکھ 19 ہزار سے زائد حجاج کرام کو وطن واپس لایا جائے گا۔