سری لنکا میں جاری ایشین گیمز(Asian Games) 2026 کے ریسلنگ ایونٹ میں پاکستان کی عائشہ بلوچ نے شاندار کارکردگی کا مظاہرہ کرتے ہوئے فائنل میں بھارتی حریف کو شکست دے کر گولڈ میڈل اپنے نام کر لیا۔

فائنل مقابلے میں عائشہ بلوچ نے بہترین داؤ پیچ، مضبوط تکنیک اور غیر معمولی اعتماد کے ساتھ کھیل کا آغاز کیا، جس کے باعث بھارتی ریسلر ان کے مقابلے میں دباؤ کا شکار نظر آئی۔ پورے مقابلے میں عائشہ بلوچ کی تکنیکی برتری واضح رہی اور انہوں نے فیصلہ کن انداز میں فتح حاصل کی۔

ٹورنامنٹ کے دوران بھی عائشہ بلوچ کی کارکردگی نمایاں رہی، جہاں وہ مسلسل اپنے ایشیائی حریفوں پر برتری قائم رکھتی رہیں اور فائنل تک ناقابلِ شکست رہیں۔

بھارتی حریف کے خلاف کامیابی کے بعد عائشہ بلوچ نے سجدۂ شکر ادا کیا اور وکٹری پوڈیم پر پاکستان کا سبز ہلالی پرچم بلند کیا، جس سے اس لمحے کو مزید یادگار بنا دیا گیا۔

مزیدپڑھیں:اسحاق ڈار کی سری لنکن ڈیفنس کالج وفد سے اہم ملاقات

ان کی اس تاریخی کامیابی کے بعد ملک بھر میں جشن کا سماں دیکھنے میں آیا، جبکہ سوشل میڈیا پر ان کی تصاویر اور ویڈیوز وائرل ہوگئیں۔ عوام کی بڑی تعداد نے انہیں بھرپور خراجِ تحسین پیش کیا۔

ماہرین کے مطابق عائشہ بلوچ کی یہ کامیابی نہ صرف پاکستان کے لیے اعزاز ہے بلکہ یہ بلوچستان سمیت ملک بھر کی نوجوان لڑکیوں کے لیے حوصلے اور امید کا ایک روشن پیغام بھی ہے۔