اسلام آباد: (ہیلتھ ڈیسک) پاکستان میں کورونا سے مزید ایک شخص جاں بحق ہوگیا ہے جبکہ مثبت کیسز کی شرح 3.35 فیصد ریکارڈ کی گئی ہے۔
قومی ادارہ برائے صحت کے مطابق گزشتہ 24 گھنٹوں میں 19 ہزار 611 کورونا ٹیسٹ کیے گئے جن میں 656 افراد میں کورونا کے مثبت کیسز کی تشخیص ہوئی ہے۔
COVID-19 Statistics 01 August 2022
Total Tests in Last 24 Hours: 19,611
Positive Cases: 656
Positivity %: 3.35%
Deaths: 01
Patients on Critical Care: 161— NIH Pakistan (@NIH_Pakistan) August 1, 2022
محکمہ صحت کی جاری کردہ رپورٹ میں بتایا گیا کہ ملک میں مثبت کیسز کی شرح 3.35 فیصد تک پہنچ گئی ہے جبکہ 161 افراد کی حالت تشویش ناک بتائی جارہی ہے۔
محکمہ صحت کا مزید کہنا ہے کہ گزشتہ 24 گھنٹوں میں کورونا وائرس سے مزید ایک شخص جان کی بازی بھی ہارا ہے۔
واضح رہے کہ ڈھائی ماہ بعد کورونا وائرس کے ایک بار پھر سر اٹھانے پر حکومت کی جانب سے ٹیسنگ کا عمل تیز کردیا گیا ہے۔
صوبائی وزیر برائے صحت عذرا پیچوہو نے بتایا کہ اس وقت کراچی میں کورونا وباء سے متاثرہ ہونے والے افراد کی تعداد سب سے زیادہ ہے۔
کورونا کی ممکنہ چھٹی لہر کی پیش نظر محکمہ صحت سندھ نے 60 سال سے زائد دیگر امراض میں مبتلا افراد کو بوسٹر ڈوز لگانے کے احکامات جاری کر دیئے ہیں۔
اسکے علاوہ 12 تا 18 سال کے بچوں کی انرولمنٹ کے حوالے سے محکمہ صحت نے ڈی ایچ اوز سے تفصیلات مانگ لی ہے، ماہ اگست میں تعلیمی اداروں میں بوسٹر ڈوز کی مہم کا آغاز کیا جائے گا۔
