اسلام آباد: نجی ٹی وی کے پروگرام میں وزیراعلیٰ سہیل آفریدی (Sohail Afridi)کی خیبرپختونخوا حکومت کے مستقبل سے متعلق ذرائع کا اہم دعویٰ سامنے آیا ہے۔

ذرائع کے حوالے سے یہ خبر سامنے آئی ہے کہ اب فیصلہ سازوں کیلئے صرف پی ٹی آئی کا لانگ مارچ مسئلہ نہیں ہے بلکہ مسئلہ سہیل آفریدی کی حکومت ہے۔

ذرائع کا دعویٰ ہےکہ مسئلہ اب لانگ مارچ سے آگے بڑھ چکا ہے کیوں کہ اب مسئلہ قومی سلامتی کا ہے اس لیے اب یہ فیصلہ کرلیا گیا ہے کہ سہیل آفریدی کی حکومت کو جانا ہوگا۔

پروگرام نیا پاکستان کے میزبان شہزاد اقبال نے کہا کہ پاکستان تحریک انصاف کے اہم ذرائع نے لانگ مارچ کو مؤخر کرنے کی تصدیق کی مگر تیاری کی کمی کے تاثر کو مسترد کرتے ہوئے کہا کہ لانگ مارچ کی تیاری کا کوئی مسئلہ نہیں ہے، عوام بھرپور متحرک ہیں اور لانگ مارچ کے لیے تیار ہیں مگر ہم چاہتے ہیں کہ ٹیسٹ میچ کھیلیں اور حکومت کو تھکائیں۔ 5 اکتوبر عمران خان کی سالگرہ کا دن بھی ہے، اس لیے 5 اکتوبر کی سمبولک اہمیت زیادہ ہے۔

اب مسئلہ صرف لانگ مارچ سے نہیں۔ مسئلہ قومی سلامتی کا ہے۔۔ اس لیے فیصلہ کرلیا گیا ہے کہ سہیل آفریدی کی حکومت کو جانا ہوگا۔۔ فیصلہ سازوں کے فیصلوں سے باخبر ذرائع کا دعوی pic.twitter.com/o3i8v8WO2o

— Geo News Urdu (@geonews_urdu) September 25, 2026

مگر جہاں پاکستان تحریک انصاف حکومت کے ساتھ ٹیسٹ میچ کھیلنے کا ارادہ ظاہر کر رہی ہے، وہیں ذرائع بتاتے ہیں کہ حکومت کچھ اور ہی سوچ رہی ہے۔

مزیدپڑھیں:ٹیکس دہندگان کے لیے بڑی خبر، ایف بی آر نے طریقہ کار بدل دیا

ذرائع کے مطابق فیصلہ سازوں کا یہ کہنا ہے کہ اب صرف پاکستان تحریک انصاف کا لانگ مارچ مسئلہ نہیں ہے، پاکستان تحریک انصاف کو لانگ مارچ کرنا ہے تو کرے، ملتوی کرنا ہے تو ملتوی کرے، مسئلہ اب اس سے آگے بڑھ چکا ہے کیونکہ اب مسئلہ قومی سلامتی کا ہے۔

فیصلہ سازوں کے فیصلوں سے باخبر ذرائع کا کہنا ہے کہ اب اصل مسئلہ یہ ہے کہ سہیل آفریدی اور ان کے ساتھی دہشت گردوں سے مل کر پاکستان کو کمزور کر رہے ہیں جس کی وجہ سے پاکستان میں دہشت گردی بڑھ رہی ہے۔ اس لیے اب یہ فیصلہ کر لیا گیا ہے کہ سہیل آفریدی کی حکومت کو جانا ہوگا۔