پاکستانی شوبز انڈسٹری کی معروف اداکارہ حرا مانی(Hira Mani) ایک بار پھر اپنے لباس اور نئے ہیئر اسٹائل کے باعث سوشل میڈیا صارفین کی تنقید کا نشانہ بن گئیں۔
اداکارہ ان دنوں کینیڈا میں موجود ہیں جہاں وہ مختلف تقریبات اور مداحوں سے ملاقات کے پروگراموں میں شرکت کر رہی ہیں۔
حال ہی میں حرا مانی نے ٹورنٹو میں ایک فوڈ شاپ کی افتتاحی تقریب میں شرکت کی، جہاں ان کا بدلا ہوا انداز سوشل میڈیا پر موضوعِ بحث بن گیا۔
تقریب میں اداکارہ سیاہ رنگ کے بغیر آستینوں والے لمبے لباس میں نظر آئیں، جبکہ انہوں نے اپنے لمبے بال کٹوا کر مختصر بوب ہیئر اسٹائل بھی اپنایا۔
View this post on Instagram
سوشل میڈیا پر تصاویر سامنے آتے ہی بعض صارفین نے ان کے لباس اور انداز کو تنقید کا نشانہ بنایا۔
مزید پڑھیں:مستحکم خیبر پختونخوا ایکشن پلان تیار، 27 محکموں کے لیے بڑے اقدامات تجویز
ایک صارف نے سوال اٹھایا کہ اداکارہ نے ایسا لباس کیوں منتخب کیا، جبکہ دوسرے نے ان کے نئے ہیئر اسٹائل پر ناپسندیدگی ظاہر کی۔
کچھ صارفین نے حرا مانی کے انداز کا موازنہ اداکارہ ہانیہ عامر سے بھی کیا۔
