کریملن نے کہا ہے کہ روس(Russia) اور یوکرین کے انسانی حقوق کے اعلیٰ نمائندوں کے درمیان مثبت اور اعتماد پر مبنی رابطے قائم ہوئے ہیں، جو انسانی حقوق کے شعبے میں کام کیلئے اہم پیشرفت ہے۔

روسی صدارتی ترجمان دیمتری پیسکوف نے روسی اخبار ویدوموستی کو دیے گئے انٹرویو میں بتایا کہ روس کی انسانی حقوق کی کمشنر یانا لانتراتوا اور یوکرین کے انسانی حقوق کے محتسب دیمتری لوبینیتس کے درمیان اچھا مکالمہ قائم ہوا ہے۔

انہوں نے کہا کہ دونوں نمائندے بتدریج ایک دوسرے پر اعتماد کرنا شروع کر رہے ہیں، جو انسانی حقوق سے متعلق سرگرمیوں کے لیے مثبت بات ہے۔

مزیدپڑھیں:کھلاڑیوں کو بیک کرنا چاہیے، ایک دو سیریز کے بعد باہر نہیں کرنا چاہیے: شاہین آفریدی

روسی صدارتی ترجمان کے مطابق دونوں ممالک کے انسانی حقوق کے نمائندوں کے درمیان اچھا مکالمہ اور بڑھتا ہوا باہمی اعتماد اس شعبے میں کام کرنے والوں کے لیے نہایت اہم ہے۔