نیویارک (نیوز ڈیسک )اقوامِ متحدہ کی سلامتی کونسل نے افغانستان میں یواین مشن کی مزید 1 سال کے لیے تجدید کر دی۔

غیر ملکی خبر ایجنسی کے مطابق اقوامِ متحدہ کی سلامتی کونسل میں افغانستان کے لیے یو این مشن کی تجدید کے لیے قرار داد 14 ووٹوں کے ساتھ منظور ہوئی۔

روس کا ووٹنگ سے گریز
اس موقع پر روس نے سلامتی کونسل میں افغانستان کے لیے یو این مشن کی تجدید کے لیے ووٹنگ سے گریز کیا۔

’’نہیں چاہتے UN امدادی مشن، مشن امپاسیبل بن جائے‘‘

روس کی جانب سے اس حوالے سے کہا گیا ہے کہ ہم نہیں چاہیں گے کہ اقوامِ متحدہ کا افغانستان میں امدادی مشن اقوامِ متحدہ کا مشن امپاسیبل بن جائے۔

واضح رہے کہ اقوامِ متحدہ کا امدادی مشن 20 سال قبل افغانستان میں امن و استحکام کی کوششوں کے لیے قائم کیا گیا تھا۔