پاکستان تحریک انصاف (پی ٹی آئی) کے سینئر رہنما فواد چودھری نے عمران خان پر پیمرا کی پابندی کو بھونڈا اور بزدلانہ قرار دیا ہے۔
ایک بیان میں فواد چودھری نے کہا کہ عمران خان کی پریس کانفرنس اور تقریروں پر پابندی ایک بھونڈا اور بزدلانہ حکم ہے۔
انہوں نے کہا کہ حکومت والے اتنا ڈرتے ہیں کہ عمران خان کا سچ بھی گولیاں بن کر لگ رہا ہے، پیمرا کے اس غیر آئینی حکم کو چیلنج کریں گے۔
پی ٹی آئی رہنما نے مزید کہا کہ کیا آئینہ نہ دیکھنے سے اس حکومت کا بھیانک چہرہ چھپ جائے گا؟ یہ نہیں ہوگا۔
عمران خان سے آج متحدہ عرب امارات کے ولی عہد محمد بن زید، ایٹھوپیا کے وزیر اعظم ابی احمد، بحرین کے ولی عہد سلمان بن حمد ال خلیفہ اور قطر کے امیر محمد بن تھانی نے فون پر رابطہ کیا اور ان کے صحت کیلئے نیک تمنائیں پہنچائیں، ان سربراہان نے عمران خان پر قاتلانہ حملے کی شدید مذمت کی
— Ch Fawad Hussain (@fawadchaudhry) November 5, 2022
