کراچی: ومی کرکٹ ٹیم کے کھلاڑی محمد حسنین اور خوشد ل شاہ بغیر میچ کھیلے جبکہ فخر زمان اور محمد آصف ورلڈ کپ میں صرف ایک ایک میچ کھیل کر کروڑ پتی بن گئے ہیں ۔

نجی ٹی وی کی رپورٹ کے مطابق ورلڈکپ فائنل میں پاکستان کو انگلینڈ کیخلاف 5 وکٹ سے شکست کا سامنا کرنا پڑا،اس ناکامی کے باوجود کھلاڑیوں کے اکاﺅنٹس میں ایک کروڑ روپے سے زائد رقم منتقل ہو گی۔آئی سی سی نے رنرز اپ ٹیم کو فاتح سے ا?دھی انعامی رقم 8 لاکھ ڈالر دینے کا اعلان کیا تھا،سپر12 مرحلے کی3 فتوحات کے 40،40 ہزار ڈالر کے لحاظ سے ایک لاکھ 20 ہزار ڈالر گرین شرٹس کو ملیں گے۔ٹورنامنٹ کے دوران آئی سی سی نے ہر کھلاڑی کو 125 آسٹریلوی ڈالر (83 امریکی ڈالر) کا یومیہ الاﺅنس دیا، سینٹرل کنٹریکٹ کے تحت پی سی بی نے اس میں 31 امریکی ڈالر کا اضافہ کر کے 114 کے لحاظ سے ڈیلی الاﺅنس ادا کیا۔مجموعی طور پر ورلڈکپ سے گرین شرٹس کو تقریبا 10 لاکھ ڈالر (22کروڑ 22لاکھ سے زائد پاکستانی روپے) ملیں گے۔