پاکستان کے مقبول آرائیں ورلڈ تھروبال فیڈریشن کے آئندہ چارسال کیلئے بلا مقابلہ صدر منتخب ہوگئے۔
اسلام آباد(سپورٹس رپورٹر)پاکستان کے مقبول آرائیں ورلڈ تھروبال فیڈریشن کے آئندہ چارسال کیلئے بلا مقابلہ صدر اور سویڈن کی جاگودا گاجیکا سیکرٹری جنرل منتخب ہوگئی ہیں۔ گزشتہ روز ورلڈ تھروبال فیڈریشن کی جنرل کونسل کا اجلاس آن لائن منعقد ہوا جس میں ورلڈ تھرو بال فیڈریشن کے ساتھ دنیا بھر منسلک ممالک کے نمائندوں نے شرکت کی۔ اجلاس میں پاکستان کے مقبول آرائیں کو ورلڈ تھروبال فیڈریشن کاصدر اور سویڈن کی گاجیکا کو سیکرٹری جنرل منتخب کرلیا گیا ہے۔دیگر عہدیداروں میں کینیڈا کے اجیٹ کمارسینئر نائب صدر، بیلجیئم کے مارٹن اور آسٹریلیا کے وقاص قدرت اللہ نائب صدور جبکہ نیوزی لینڈ کے پال گورگ خزانچی منتخب ہوئے ہیں۔بھارت کے ڈاکٹر پردیپ اور سری لنکا کے رومیش مراج کو بالترتیب ڈائریکٹر(رجسٹریشن) اور ڈائریکٹر ریفریز بورڈ مقرر کردیا دیا گیا۔مجلس عاملہ کے اراکین میں
نسمبا عبداللہ(یوگنڈا)، جے۔ اے۔ شہباز (سویڈن)، میشیل (اٹلی)، محمد شیزلین (مالدیپ)، شہناز سہیل (ایس یوایس)، فائزہ عامر (پاکستان)، ناصر محمود (ترکی)، ٹم ہکسن (انگلینڈ)،
ایگویگز کامپو (بسکیو) اور شیخ فواد (قطر) شامل ہیں
