لندن:برطانوی جریدے نے ٹاپ ایشین انٹرٹینمنٹ کی لسٹ جاری کردی۔لسٹ میں فواد خان ، سجل علی ، شے گل ، علی سیٹھی ، ہمایوں سعید ، حدیقہ کیانی ، عروج آفتاب اور عاطف اسلم کے نام شامل ہیں۔
سال 2022 پاکستانی فنکاروں کے لیے ان کے کیرئیر کے لحاظ سے اچھا ثابت ہوا۔ بہت سے اداکاروں نے انٹرنیشل پراجیکٹس میں بھی کام کیا۔ ایسٹرن آئیز میں شامل پاکستان آرٹسٹ یہ ہیں۔

فواد خان
فواد خان کی شخصیت اور اسٹائل پاکستان ہی نہیں بھارت میں بھی بے حد مقبول ہے۔ اسی برس فواد خان نے بہت عرصے بعد بڑے پردے پر دیکھائی دیئے ۔ فواد خان کی فلم دی لیجنڈ آف مولا جٹ نے دنیا بھر سے کامیابیاں سمیٹیں۔ دی لیجنڈ آف مولا جٹ کے علاوہ فواد خان انٹرنیشنل پراجیکٹ مس مارول میں بھی ڈیبیو کیا۔ برطانوی جریدے ایسٹرن آئیز نے فواد خان کو hottest Asian man of 2022 بھی قرار دیا گیا۔

عاطف اسلم
ایسٹرن آئیز نے عاطف اسلم کو اپنی لسٹ میں 13 ویں نمبر پر رکھا۔ اسی برس عاطف نے گلوکاری کے علاوہ ڈرامے میں بھی اداکاری کے جوہر دیکھائے۔ عاطف اسلم نے سانگ ماہ ڈرامے میں مرکزی کردار ادا کیا۔ اداکاری کے میدان میں بھی عاطف اسلم نے مداحوں کے دل جیت لیے۔

سجل علی
پاکستانی اداکارہ سجل علی نے ڈراموں میں اپنی پرفارمنس سے تو کامیابیاں سمیٹیں ہی ساتھ ہی سجل علی نے اس سال جمائمہ گولڈ اسمتھ کی انگلش فلم
What’s Love Got To Do With It میں کام کیا ۔ اس انٹرنیشنل پراجیکٹ کی وجہ سے سجل علی کی شہرت میں مزید اضافہ ہوا اور ان کے کام کو سراہا گیا۔

عروج آفتاب
عروج آفتاب جو کہ پاکستانی ہیں تاہم وہ امریکہ میں مقیم ہیں ۔ عروج نے گرائمی ایوارڈز میں نامزد ہوئیں ۔ ایسٹرن آئیز ٹاپ 50 میں عروج کو 38 ویں نمبر پر ہیں۔ عروج کو پاکستانی حکومت نے بھی بہترین پرفارمنس پر تمغہ برائے حسن کارکردگی سے بھی نوازا۔

 

حدیقہ کیانی
رواں برس حدیقہ کیانی نے گلوکاری سے اداکاری کے میدان میں بھی قدم رکھا۔ ان کا ڈرامے رقیب سے اور پنجرہ میں حدیقہ کیانی کی اداکاری کو بے حد سراہا گیا۔ حدیقہ کیانی نے سیلاب سے متاثرہ افراد کی بحالی کے لئے امدادی کاموں میں بڑھ چڑھ کر حصہ لیا ۔ ان کی انسانیت کے لیے دی جانے والی خدمات کی بنیاد پر بھی انہیں ایسٹرن آئیز کے ٹاپ 50 ایشین کی لسٹ میں شامل کیا گیا۔

 

ہمایوں سعید
پاکستان کے نامور اداکار ہمایوں سعید کی رواں برس لندن نہیں جاونگا فلم نمائش کے لیے پیش ہوئی ۔ 2022 میں ہمایوں کی مقبولیت میں اس وقت اضافہ ہوا جب یہ بات سامنے آئی کہ نیٹ فلکس کے مشہور ترین سیریز دی کراؤن کے 5 سیزن میں ہمایوں ڈاکٹر حسنات کے کردار میں نظر آئیں گے۔ اسی برس ملکہ برطانیہ کے انتقال کے کچھ عرصے بعد دی کراؤن کے سیزن 5 کو جاری کیا گیا جس میں ڈاکٹر حسنات کے کردار کو خاصا پسند کیا گیا۔ اس لسٹ میں ہمایوں سعید 45 ویں نمبر پر ہیں۔

شے گل اور علی سیٹھی
کوک اسٹوڈیو سیزن 14 کے گانے پسوری نے دنیا بھر میں مقبولیت کے نئے ریکارڈز قائم کیے ۔ پسوری گانے سے شے گل نے ڈیبیو کیا جبکہ اسی گانے کا شمار 2022 کے سب سے زیادہ گوگل پر سرچ کیے جانے والے گانے میں ہوا۔ اس لسٹ میں شے گل اور علی سیٹھی کو 46 ویں پر جگہ دی گئی۔