بانی: عبداللہ بٹ      ایڈیٹرانچیف : عاقل جمال بٹ

بانی: عبداللہ بٹ

ایڈیٹرانچیف : عاقل جمال بٹ

 تازہ ترین

حارث رؤف کے نکاح پر ساتھی کرکٹرز کی چھیڑ چھاڑ: کسی کا ’شکرانے کے نفل‘ کا مشورہ، تو کوئی شادی کا ’دباؤ‘ محسوس کرنے لگا

جہاں سوشل میڈیا صارفین کی جانب سے حارث رؤف کو شادی کی مبارکباد اور تبصرے دیے جا رہے تھے وہیں ان کے دوست اور ساتھی کرکٹرز نے بھی انھیں سوشل میڈیا پر نکاح کی مبارکباد دیتے ہوئے خوب ستایا اور اپنے اپنے انداز میں مشورے بھی دیے۔

پاکستان میں کوئی شوبز سیلیبرٹی ہو یا کرکٹ سٹار ان کی زندگی سے جڑے اہم واقعات پر ان کے مداح ہمیشہ پرجوش دکھائی دیے ہیں۔

ایسا ہی کچھ اس بار بھی دیکھنے میں آیا، جب گذشتہ روز پاکستان کرکٹ ٹیم کے فاسٹ بولر حارث رؤف اپنی کلاس فیلو اور ماڈل مزنا مسعود کے ساتھ رشتہ ازدواج میں بندھ گئے۔

ویسے تو ان کے نکاح کی تقریب اسلام آباد میں منعقد ہوئی جس میں قریبی رشتہ داروں اور ساتھی کرکٹرز اور دوست احباب نے شرکت کی مگر ان کے مداحوں اور کھلاڑیوں نے انھیں سوشل میڈیا کے ذریعے بھی دنیا بھر سے مبارکباد دی۔

سوشل میڈیا پر ان کے مداحوں کی جانب سے مبارکباد اور جوڑے کے خوشگوار اور کامیاب مستقبل کے لیے نیک تمنائیں تو نکاح کی تقریب سے قبل ہی آنی شروع ہو گئی تھیں۔

کوئی حارث رؤف کی اہلیہ مزنا کے لباس کی تعریف کرتا دکھائی دیا تو کسی نے دلہن کے ہاتھ پر لگی مہندی میں لکھے حروف ’ایچ آر 150‘ یعنی حارث رؤف اور ان کی بولنگ رفتار 150 کو اہمیت دی۔

کسی نے حارث رؤف اور ان کی دلہن کے فوٹو شوٹ کو دیکھ کر انھیں شادی میٹریل کہا تو کسی نے ’کیوٹ‘ کا لقب دیا۔

لیکن جہاں سوشل میڈیا صارفین کی جانب سے حارث رؤف کو شادی کی مبارکباد اور تبصرے دیے جا رہے تھے وہیں ان کے دوست اور ساتھی کرکٹرز نے بھی انھیں سوشل میڈیا پر نکاح کی مبارکباد دیتے ہوئے خوب ستایا اور اپنے اپنے انداز میں مشورے بھی دیے۔

کچھ ساتھی کرکٹرز نے تو حارث رؤف کی شادی کے بعد اپنا نمبر آنے کا ’دباؤ‘ بھی محسوس کیا۔

پاکستان کرکٹ ٹیم کے بلے باز فخر زمان ان کھلاڑیوں میں سے ایک ہیں جنھوں نے حارث کو نکاح کی مبارکباد دیتے ہوئے مشورہ دیا کہ ’بس جیسے ہو ویسے ہی رہنا اور بھابھی کے سامنے زیادہ بڑی بڑی نہیں مارنا۔‘

لاہور قلندرز کے آفیشل ٹوئٹر ہینڈل پر فخر زمان نے ایک ویڈیو پیغام میں حارث رؤف سے مذاقاً کہا کہ ’آپ بہت برے طریقے سے پھنس گئے ہو، بس میری دعا ہے کہ اللّٰہ آپ کے لیے آسانیاں پیدا کرے اور اگلی جتنی بھی زندگی ہے اللّٰہ آپ کو ہمت دے کہ آپ سہہ سکو۔‘

فخر زمان نے کہا کہ میں تو شادی شدہ ہوں، آپ کو اپنا تجربہ ہی بتا سکتا ہوں، تو میری نیک تمنائیں آپ اور بھابھی کے ساتھ ہیں، اپنا بہت سارا خیال رکھنا۔

فخر زمان نے حارث رؤف کے نکاح کی تقریب میں شرکت نہ کرنے پر معذرت بھی کی۔

پاکستان کرکٹ ٹیم کے آل راؤنڈر شاداب خان نے ٹوئٹر پرحارث رؤف کی ایک تصویر شیئر کرتے ہوئے انھیں تنگ کرتے ہوئے لکھا کہ ’اتنا گلو (چمک) اتنی خوشی لگتا ہے میرا نمبر بھی آنے والا ہے۔‘

جس پر پاکستان کرکٹ ٹیم کے بیٹسمین امام الحق نے جواب میں لکھا کہ ’ہاں جی شادی کا وقت آ گیا ہے اور اس (حارث) نے ہم سب پر بھی دباؤ ڈال دیا ہے۔‘

اپنے دوست کی خوشی کے موقع پر چھیڑ چھاڑ کرتے ہوئے شاداب نے امام کی ٹویٹ کے جواب میں لکھا ’امام الحق کو بہانہ چاہیے تھا جو اسے مل گیا۔

جبکہ جوڑے کی ایک اور تصویر شیئر کرتے ہوئے شاداب خان نے جہاں انھیں نکاح کی مبارکباد اور نیک تمنائیں دی وہیں حارث رؤف کو شادی ہونے پر شکرانے کے نفل پڑھنے کا بھی کہا۔

حارث رؤف کے نکاح کی تقریب میں ان کے قریبی دوست اور پاکستان کے فاسٹ بولر شاہین آفریدی بھی شریک ہوئے۔ ان کے ساتھ پاکستان کے نومنتخب چیف سلیکٹر شاہد خان آفریدی بھی تقریب میں موجود تھے۔

تازہ ترین
پہلا ون ڈے،دلچسپ مقابلہ، پاکستان نے سری لنکا کو 6 رنز سے مات دیدی
امریکی طیارہ بردار جہاز لاطینی امریکا میں داخل، وینزویلا کیساتھ کشیدگی بڑھ گئی
28ویں ترمیم میں بلدیاتی اداروں کے معاملات طے ہونگے، مصطفیٰ کمال
ترکی: جواء اسکینڈل تحقیقات، 1 ہزار 24 فٹبالر معطل
پاکستان آرمی اور اماراتی صدارتی گارڈز کی تربیلا میں مشق جلمود 1 کا انعقاد
بنوں، سی ٹی ڈی کارروائی، فتنہ الخوارج کے انتہائی مطلوب 2 ٹارگٹ کلرز ہلاک
کرسٹیانو رونالڈو کی ریٹائرمنٹ کے حوالے سے مبہم بیان کی وضاحت
ریڈ لائن وکے فور منصوبہ، یونیورسٹی روڈ کھنڈر، کاروبار ٹھپ