کراچی(سپورٹس ڈیسک) کراچی ٹیسٹ کے چوتھے روز  نیوزی لینڈ کی دوسری اننگز میں بیٹنگ جاری ہے اور کیویز کو گرین کیپس پر  155 رنز کی مجموعی سبقت حاصل ہو گئی ہے۔

نیوزی لینڈ نے 3 وکٹوں کے نقصان کے 114 رنز بنا لیے ہیں، ٹام لیتھم 62 رنز بنا کر نسیم شاہ کا شکار بنے جبکہ کین ولیمسن 41 رنز پر ابرار احمد کی بیند پر ایل بی ڈبلیو آؤٹ ہوئے۔

پاکستان کی پہلی اننگز

کراچی ٹیسٹ کے چوتھے روز پاکستان اپنی پہلی نامکمل اننگز کا آغاز 407 رنز 9 کھلاڑی آؤٹ سے کیا تو سعود شکیل 124 رنز پر بیٹنگ کر رہے تھے جبکہ ابرار احمد نے ابھی اپنا کھاتا کھولنا تھا۔

سعود شکیل نے اش سودی نے پہلے اوور کی پانچویں گیند پر سنگل لیکر ابرار احمد کو دیا لیکن ابرار  پہلی ہی گیند پر ایل بی ڈبلیو آؤٹ ہو گئے، اس طرح پاکستانی ٹیم 408 رنز بنا کر آؤٹ ہو گئی اور نیوزی لینڈ کو پہلی اننگز میں 41 رنز کی سبقت حاصل ہو گئی۔

نیوزی لینڈ کےاش سودی اور اعجاز پٹیل نے 3، 3 وکٹیں حاصل کیں جبکہ ٹم ساؤدی، میٹ ہنری اور ڈیرل مچل نے ایک ایک کھلاڑی کو آؤٹ کیا، پاکستان کا ایک کھلاڑی رن آؤٹ ہوا۔

نیوزی لینڈ نے اپنی پہلی اننگز میں 449 رنز اسکور کیے تھے جس کے جواب میں پاکستان کی پوری ٹیم 408 رنز پر آؤٹ ہو گئی

پاکستان کی جانب سے سعود شکیل 124 رنز بنا کر ناٹ آؤٹ رہے جبکہ امام الحق نے 83 اور سرفراز احمد نے 78 رنز کی اننگز کھیلی۔