کوئٹہ(ممتازنیوز) علاقائی زبانوں کے سب سے بڑے نیٹ ورک پی ٹی وی بولان کے پہلے ٹرانسمیٹر کا افتتاح کردیا گیا ۔ جدید ٹرانسمیٹر تنصیب سے بولان کی نشریات اب ناظرین یوایچ ایف عام انٹینا سے بھی دیکھ سکیں گے ۔ جی ایم پی ٹی وی کوئٹہ سید فہیم شاہ نے افتتاح کیا ۔ تقریب میں سابق جنرل منیجر محمد ایوب بابئی ، انجینئرنگ منیجر نبو جان آغا ، حبیب اللہ ناصر ، اے پی ایم محمد مدثر ، سی بی اے یونین عہدیدار بھی موجود تھے ۔ پی ٹی وی ہیڈکوارٹر کی طرف سے ملک ظہیر احمد ، محمد افضل غلام حسین , الطاف احمد ، بابر خان نور محمد نے ٹرانسمیٹرز انسٹالیشن کے حوالے سے بریف کیا ۔ ٹرانسمیٹرکا افتتاح وفاقی وزیر اطلاعات مریم اورنگزیب , چیئرپرسن پی ٹی وی شاہیرہ شاہد ، ایم ڈی پی ٹی وی سہیل علی خان اور ڈائریکٹر انجینئرینگ عارف نور کی خصوصئ ہدایات کی روشنی میں کیا گیا ۔