پاکستان کرکٹ ٹیم کے سابق کپتان شاہد آفریدی نے افغانستان کے ہاتھوں شکست کے بعد نوجوانوں کے ساتھ سینئر کھلاڑیوں کو بھی ٹیم میں شامل کرنے کا مشورہ دے دیا۔
سماجی رابطے کی ویب سائٹ ٹوئٹر پر جاری کیے گئے بیان میںشاہد آفریدی نے کہاکہ پاکستان کرکٹ بورڈ (پی سی بی) نے نوجوان کھلاڑیوں کو موقع دے کر اچھا اقدام اٹھایاہے۔
Well played @ACBofficials congrats on the win, and @rashidkhan_19 you were amazing as always. Good move my @TheRealPCB to believe in the upcoming talent but they should have been accompanied by senior players to transfer on field experience and not sit on the bench #PakvsAfg
— Shahid Afridi (@SAfridiOfficial) March 26, 2023
انہوں نے کہا کہ نوجوان کھلاڑیوں کے ساتھ فیلڈ میں سینئرز کھلاڑیوں کو بھی ہونا چاہیے تھا تا کہ نوجوان ان سے تجربہ حاصل کرتے۔
شاہد آفریدی نے افغانستان کرکٹ ٹیم کو سیریز جیتنے پر مبارک باد دی اور کہاکہ راشد خان نے ہمیشہ کی طرح بہترین کارکردگی کا مظاہرہ کیا۔
واضح رہے کہ افغانستان نے اتوار کو 3 میچز پر مشتمل سیریز کے کھیلے گئے دوسرے میچ میں پاکستان کو 7 وکٹوں سے شکست دیکر سیریز میں 0-2 کی فیصلہ کن برتری حاصل کرلی۔
گرین شرٹس نے مقررہ 20 اوورز میں 6 وکٹوں کے نقصان پر 130 رنزبنائے، جواب میں افغان ٹیم نے 20 ویں اوورز میں 3 وکٹوں کے نقصان پر ہدف حاصل کرلیا۔
افغانستان نے پاکستان کے خلاف پہلی مرتبہ انٹرنیشنل سیریز میں فتح حاصل کی ہے۔
