شارجہ: افغانستان کرکٹ بورڈ نے پاکستان کو ٹی 20 میچز میں شکست دینے والے کھلاڑیوں کے لیے ہزاروں ڈالراور جدید آئی فون کے انعام کا اعلان کردیا۔
سوشل میڈیا پر وائرل ویڈیو میں افغان کرکٹ بورڈ کے چئیرمین کو افغان ٹیم کے ڈریسنگ روم میں کھلاڑیوں کو مبارکباد دیتے دیکھا جا سکتا ہے۔
افغان کرکٹ بورڈ کے چئیرمین نے اس موقع پر 15 رکنی ٹیم کو جدید آئی فون اور 3 ہزار ڈالرز دینے کا اعلان کیا۔افغان ٹیم کے ریزرو کھلاڑیوں کو بھی 2 ہزار ڈالر دیئے جائیں گے۔ ایڈمن اسٹاف کو ایک ہزار ڈالر کا انعام دیا جائے گا۔
افغانستان نے شارجہ میں جاری تین میچز پر مشتمل ٹی 20 ٹوئنٹی سیریز کے پہلے دو میچز میں پاکستان کو شکست دی ہے۔ سیریز کا آخری میچ آج کھیلا جائے گا۔
After winning the series against Pakistan, The ACB chairman announced the latest model iPhone & 3000$ prize money for each 15-member squad of the national team, 2000$ for the reserve players & 1000$ for the admin staff.#PAKvsAFG #AFGvPAK #PakistanCricket #AfghanAtalan #Sharjah pic.twitter.com/cMXdWzXc9j
— Haseeb Arslan (@HaseebarslanUK) March 26, 2023
