کراچی: پاکستان میوزک انڈسٹری کے نامور گلوکار علی ظفر اور کرکٹ اسٹار شاہد آفریدی نے چائے کے ڈھابے پر کام کرنے والے باکسر آغا کلیم کی ہر ممکن مدد کرنے کا اعلان کر دیا ہے۔

پاکستان کے لیے ایشیئن اور ورلڈ ٹائٹل لے کر آنے والے باکسر آغا کلیم نے ٹوئٹر پر ویڈیو پوسٹ کرتے ہوئے کھیل سے وابستہ صحافیوں سندھ حکومت اور شاہد آفریدی سمیت دیگر کھلاڑیوں کو ٹیگ کرتے ہوئے ان سے مدد کی اپیل کی تھی۔

Need your support @Shoaib_Jatt @kashifbuttpew @imransiddique89 @SAfridiOfficial @sib_dia @SagharOfficial1 @fozisidd @SDJasmine @GovtofPunjabPK @GovtofPakistan @dpr_gob @SindhGovt1 @iihtishamm @rooshni141947 @Rnawaz31888 @rukshi29450849 @Ruftaj @mariya_raj10 @RedWishDotCom pic.twitter.com/Ih0yQojLu4

Need your support @Shoaib_Jatt @kashifbuttpew @imransiddique89 @SAfridiOfficial @sib_dia @SagharOfficial1 @fozisidd @SDJasmine @GovtofPunjabPK @GovtofPakistan @dpr_gob @SindhGovt1 @iihtishamm @rooshni141947 @Rnawaz31888 @rukshi29450849 @Ruftaj @mariya_raj10 @RedWishDotCom pic.twitter.com/Ih0yQojLu4

— Kickboxer Agha Kaleem (@AghaKickboxer) March 30, 2023

ویڈیو میں آغا کلیم کو ایک چائے کے ڈھابے پر پراٹھے بناتے دیکھا جا سکتا ہے۔ کراچی میں مقیم باکسر کی اس اپیل پر ردِعمل دیتے ہوئے گلوکار علی ظفر اور شاہد آفریدی نے اس کی مدد کرنے کا اعلان کیا ہے۔

شاہد آفریدی نے اپنی ٹویٹ میں لکھا ہم آپ کی مکمل ذمہ داری اُٹھانے کے لیے تیار ہیں۔شاہد آفریدی فاؤنڈیشن اور میگا اسٹار لیگ بنانے کا مقصد یہی ہے اور میں نے اپنی دونوں ٹیموں کو الرٹ کر دیا ہے تا کہ آپ کی مدد کی جاسکے۔

We are fully ready to take this responsibility and help you reach milestones in your career inshaAllah. Please reach out to @SAFoundationN and @megastarsleague that has been created for this purpose – I have alerted both teams. They will connect you to the tools you need. https://t.co/e037PcZUv0

— Shahid Afridi (@SAfridiOfficial) April 8, 2023

علی ظفر نے باکسر آغا کلیم کو مدد کرنے کی یقین دہانی کرواتے ہوئے لکھا کہ ہمیں اپنے قومی ہیروز کی قدر کرنی چاہیے، خاص طور پر ان کی جنہوں نے بین الاقوامی سطح پر پاکستان کا نام روشن کیا اور انہیں کبھی اکیلا نہیں چھوڑنا چاہیے۔

We must value our national heroes, especially those who've brought us international pride, and never abandon them. The sports mafias that hold back such talent should be eradicated. I will support him financially.
He should return to the ring and fight again, and I'll train with… https://t.co/wVbr6SPS2H

— Ali Zafar (@AliZafarsays) April 8, 2023

علی ظفر نے مطالبہ کیا کہ ایسے ٹیلنٹ کو روکنے والے سپورٹس مافیاز کا خاتمہ ہونا چاہیے۔ علی ظفر نے اعلان کیا کہ وہ اس باکسر کی مالی مدد کریں اور اپنی اگلی فلم کے لئے آغا کلیم سے تربیت بھی حاصل کریں گے۔

واضح رہے کہ آغا کلیم کا تعلق کوئٹہ کے علاقے نیو کلی کربلا شاہی کوٹ سے ہے مگر ذریعہ معاش کی تلاش اور اپنے خوابوں کو پورا کرنے کی خاطر وہ اپنے والد اور دیگر افراد کے ہمراہ کراچی میں مقیم ہیں اور ان دنوں ایک چائے کے ہوٹل پر کام کر رہے ہیں۔