بانی: عبداللہ بٹ      ایڈیٹرانچیف : عاقل جمال بٹ

بانی: عبداللہ بٹ

ایڈیٹرانچیف : عاقل جمال بٹ

عزیر بلوچ کی درخواست ضمانت پر فیصلہ محفوظ

انسداد دہشتگردی عدالت کراچی نے لیاری گینگ وار سرغنہ عزیر بلوچ کی درخواست ضمانت پر فیصلہ محفوظ کرلیا۔

انسداد دہشتگردی عدالت کراچی میں لیاری گینگ وار ارشد پپو سمیت 3 افراد کے قتل کیس میں عزیربلوچ کی درخواست ضمانت پر سماعت ہوئی۔

دوران سماعت گواہوں کو بیانات ریکارڈ کرانے کے لئے پیش نہیں کیا جاسکا، جس پر عدالت نے تفتیشی افسر کو شوکاز نوٹس جاری کردیا ۔

عدالت نے پراسیکیوشن کو آئندہ سماعت پر گواہان کو پیش کرنے کا حکم دیتے ہوئے کیس کی سماعت 30 ستمبر تک ملتوی کردی۔

پولیس کے مطابق ارشد پپو قتل کیس میں شاہ جہاں بلوچ، ذاکر ڈاڈا سمیت دیگر نامزد ہیں، ملزمان پر اغوا اور قتل سمیت دہشت گردی کے الزامات ہیں۔