لندن: فلم پروڈیوسر اور چیئرمین پی ٹی آئی کی سابق اہلیہ جمائمہ گولڈ اسمتھ نے اسرائیل اور فلسطین کے درمیان موجودہ کشیدگی کے دوران انسانیت کے ساتھ کھڑے ہونے کا اعلان کیا ہے۔
جمائمہ گولڈ اسمتھ نے اپنے ایکس اکاؤنٹ (سابقہ ٹوئٹر) پر لکھا کہ ’میں اس تنازعہ کے دونوں اطراف کے معصوم انسانوں کے ساتھ کھڑی ہوں۔
اپنے مختصر لیکن بامعنی ٹوئٹ میں جمائمہ نے جو لکھا اس کے معنی یہی بنتے ہیں کہ اسرائیل افواج یا فلسطین کے گروہ میں سے جو بھی انسانی حقوق کی خلاف ورزی کررہا ہے میں اس کی مذمت کرتی ہوں۔
واضح رہے کہ جمائمہ نے اپنے بیان میں کسی ملک کی طرف جھکاؤ کے بجائے انسانیت کے ساتھ کھڑے رہنے کو ترجیح دی ہے۔
