لاطینی امریکی ملک وینزویلا کے صدر نکولس مادورو نے فلسطین سے اظہار یکجہتی کرتے ہوئے کہا ہےکہ میں فلسطینیوں کی وکالت کرتا ہوں، میں امن کی وکالت کرتا ہوں۔
بین الاقوامی میڈیا کے مطابق وینز ویلین صدر کا کہنا تھا کہ فلسطین میں سفارتی اور پُرامن طریقے سے امن کے قیام کی حمایت کرتے ہیں، فلسطینیوں کی اپنی سرزمین کے تاریخی حق کا احترام کیا جانا چاہیے۔
نکولس مادورو کا کہنا تھا کہ دنیا بھر کے عیسائی، یہودی اور مسلمان بھائی جنگ بندی کا مطالبہ کریں، عیسائی، یہودی اور مسلمان اقوام متحدہ کے فیصلوں کے احترام کا مطالبہ کریں، عیسائی، یہودی اور مسلمان بھائی امن مذاکرات شروع کروانے کا مطالبہ کریں۔
ان کا کہنا تھا کہ عیسائی، یہودی اور مسلمان بھائی فلسطینیوں کے لیے آزاد اور پُرامن علاقےکا مطالبہ کریں۔