اسکاٹ لینڈ کے فرسٹ منسٹر حمزہ یوسف نے غزہ کے لوگوں کو پناہ دینے کا اعلان کردیا ہے۔

غیرملکی میڈیا کے مطابق حمزہ یوسف نے اسکاٹش نیشنل پارٹی کی سالانہ میٹنگ کے موقع پر خطاب کرتے ہوئے کہا کہ جہاں ممکن ہوسکا زخمی بچوں، خواتین اور مردوں کا اعلاج کریں گے۔

ان کا کہنا تھا کہ ماضی میں بھی اسکاٹ لینڈ کے عوام نے اپنے دل اور گھر پناہ گزینوں کے لئے کھولے تھے۔

اسکاٹ لینڈ کے فرسٹ منسٹر حمزہ یوسف نے کہا کہ ماضی میں پناہ حاصل کرنے والوں میں شام اور یوکرین سمیت کئی ممالک کے لوگ شامل تھے۔

واضح رہے کہ اسرائیلی فوج نے غزہ کے اسپتال پر تازہ حملے میں 800 سے زائد فلسطینیوں کو شہید کیا ہے۔