بالی ووڈ کے مقبول اداکارعامر خان کی صاحبزادی ایرا خان کی شادی کی تقریبات زوروشور سے جاری ہیں، سنگیت کی تقریب سے تصاویر سوشل میڈیا پر وائرل ہورہی ہیں۔
ممبئی میں ایرا خان اور نوپور شیکھرے شادی کے بندھن میں بندھنے کے بعد ادے پور کیلئے روانہ ہوئے تھے جہاں اس جوڑے کی شادی کی دیگر تقریبات متوقع ہیں۔
گزشتہ روز بھارتی میڈیا پراس جوڑے کی سنگیت کی تقریب سے تصاویر اور ویڈیوز سوشل میڈیا پر وائرل ہورہی ہیں۔
اس جوڑے کی سنگیت کی تقریب ادے پور کے تاج اروالی ریزورٹ میں ہوئی جس میں قریبی دوستوں اور اہلِ خانہ نے شرکت کی ۔
وائرل تصاویر میں ایرا خان کے عروسی لہنگے پر بنی کڑھائی، سر پرسرخ ہڈڈ کیپ اور لائٹ میک اپ نے ان کو ایک خوبصورت برائیڈل لُک دی۔
نوپور شیکھرے نے سیاہ شلوار قیمض پر ایک چمکتا کوٹ زیب تن کیا تھا۔
وائرل تصاویر میں عامر خان کواہلیہ اور بیٹے کے ہمراہ اسٹیج پر گاتے ہوئے دیکھا جاسکتا ہے۔
Mr. Perfectionist #AamirKhan sings a song during wedding festivities of daughter #IraKhan pic.twitter.com/WlARMkxT0C
— RAJ (@AamirsDevotee) January 9, 2024
ایرا اور نوپور کی ادے پور میں شادی کی ان تقریبات کے بعد 13 جنوری کو ممبئی میں ایک اورشاندار استقبالیہ تقریب ہوگی جس میں بالی ووڈ اسٹارز کی شرکت متوقع ہے۔
