ممبئی: بھارت کی نامور گلوکارہ شریا گھوشال نے کہا ہے کہ وہ پاکستانی گلوکار علی ظفر اور اُن کے سُپر ہٹ گانے ‘جھوم’ کی بہت بڑی مداح ہیں۔
شریا گھوشال نے سماجی رابطے کی ویب سائٹ ایکس (سابق ٹوئٹر) پر علی ظفر کے نام ایک پوسٹ کی جس میں اُنہوں نے کہا کہ “میں ہمیشہ سے علی ظفر اور اُن کے خوبصورت گانے ‘جھوم’ کی بہت بڑی مداح رہی ہوں”۔
بھارتی گلوکارہ نے کہا کہ “علی ظفر کا گانا جھوم، میرے دل کے بہت قریب ہے اور میں اس سُپر ہٹ گانے کو فلم ‘کراک’ میں اپنی اور وشال مشرا کی آواز میں سُننے کے لیے انتظار نہیں کرسکتی”۔
شریا گھوشال کی محبت بھری پوسٹ پر ردعمل دیتے ہوئے علی ظفر نے کہا کہ “آپ کے مہربان الفاظ کے لیے شکریہ، میرے لیے آپ متاثر کن اور مشہور گلوکاروں میں سے ایک ہیں”۔
علی ظفر نے کہا کہ “میں بھی آپ کی اور وشال مشرا کی آواز میں اپنا گانا ‘جھوم’ سُننے کے لیے انتظار نہیں کرسکتا، مجھے یقین ہے کہ آپ دونوں اس گانے کو بہترین انداز میں گائیں گے”۔
Thank you for your kind words, @shreyaghoshal. You’re one of the most inspiring and iconic singers of our times yourself. I can’t wait to hear this composition that has been very close to my heart too in your and the super soulful @VishalMMishra’s voice. I have complete faith… https://t.co/hmTmw6vGK1
— Ali Zafar (@AliZafarsays) January 8, 2024
دوسری جانب بھارتی گلوکار وشال مشرا نے بھی علی ظفر کے لیے اپنی پسندیدگی کا اظہار کرتے ہوئے کہا کہ “وہ بھی علی ظفر کے گانے ‘جھوم’ کے مداح ہیں اور اُنہوں نے اپنی پسندیدہ گلوکارہ شریا گھوشال کے ساتھ یہ گانا گایا”۔
Have always been a fan of #diljhoom & singing it with my fav @shreyaghoshal was such an experience !Can’t wait for to you hear it. Love this one @AliZafarsays bhai!! ❤️
🎵 – @tanishkbagchi https://t.co/qG27vrqwCb— Vishal Mishra (@VishalMMishra) January 8, 2024
واضح رہے کہ علی ظفر سال 2011 میں اپنا تیسرا میوزک البم ‘جھوم’ ریلیز کیا تھا، اُن کا یہ پورا البم ہی مقبول ہوا تھا لیکن اس البم کا گانا ‘جھوم’ نے پاکستان سمیت بھارت میں بھی مقبولیت کے جھنڈے گاڑے تھے۔
علی ظفر کے اس گانے کی مقبولیت آج بھی برقرار ہے اور اسی مقبولیت کو دیکھتے ہوئے بھارتی گلوکارہ شریا گھوشال نے بالی ووڈ فلم کے لیے ‘جھوم’ کا ری میک تیار کیا ہے۔
