اسلام آباد(مانیٹرنگ ڈیسک ) لوکل گورنمنٹ آرڈیننس کے تحت اسلام آباد میں بلدیاتی انتخابات روکنے کے حکم میں 8 مارچ تک توسیع کردی گئی۔ سیکرٹری داخلہ اور چیف کمشنر آئندہ سماعت آٹھ مارچ ذاتی حیثیت میں طلب کرلیا گیا ۔ اسلام آباد ہائیکورٹ کے جسٹس محسن اختر کیانی نے احکامات جاری کئے۔

آرڈیننس کو باقاعدہ لاء بنانے کے لیے پارلیمانی کمیٹی کے سامنے رکھ دیا گیا ہے،وکیل الیکشن کمیشن نے کہا کہ اسسٹنٹ اٹارنی جنر ل بلدیاتی الیکشن پراسس آگے بڑھانے میں وفاقی حکومت تعاون نہیں کر رہی،عدالت نے کہا کہ آپ یہ کہہ رہے ہیں وفاقی حکومت بلدیاتی الیکشن میں دلچسپی نہیں رکھتی، الیکشن کمیشن ایکٹ کے تحت بلدیاتی انتخابات سے متعلق وہ اپنا کام کر سکتا ہے۔

وکیل الیکشن کمیشن نے مزید کہا کہ سارے اداروں کو جب بلایا جاتا ہے تو زیادہ تر دستیاب ہی نہیں ہوتے،سرکاری اداروں کے تعاون نا کرنے کی وجہ سے ہم توہین عدالت شروع کرنے لگے تھے، وفاقی حکومت ہمیں نقشے اور ڈیٹا بھی نہیں دے رہا تھا پھر ہم نے خود ہی کام کیا، عدالت نے کہا کہ سپریم کورٹ نے وفاقی اور صوبائی حکومتوں کو بلدیاتی الیکشن کرانے کا حکم دے رکھا ہے، عدالت نے مزید کہا کہ سیکریٹری داخلہ اور چیف کمشنر اپنی زمہ داری پوری کرنے میں ناکام رہے، عدالت نے کیس کی مزید سماعت 8 فروری تک ملتوی کردی۔