لاہور (مانیٹرنگ ڈیسک )وزیراعلیٰ پنجاب حمزہ شہباز نے کہاہے کہ مہنگائی کی جو بھی وجہ ہو ، پریشان عوام کو ریلیف دیناہے ۔

وزیراعلیٰ پنجاب حمزہ شہباز کی زیر صدارت اہم اجلاس ہوا جس میں سیکریٹری صنعت نے اشیاءضروریہ کی قیمتوں سے متعلق بریفنگ دی ، وزیراعلیٰ نے عوام کو ریلیف دینے کیلئے فوری اقدامات کی ہدایت دی ، جبکہ حمزہ شہباز نے خود اضلاع کے سرپرائز وزٹ کرنے کا فیصلہ کیاہے ۔

وزیراعلیٰ آس میں چیف منسٹر پرائس کنٹرول سیل قائم کرنے کا اعلان کر دیا گیاہے ، حمزہ شہباز کا کہناتھا کہ پنجاب میں ڈسٹرکٹ پرائس کنٹرول کمیٹیوں کو فعال کر دیا گیا ، عوام کو اشیائے ضروریہ کی مقرر ہ نرخوں پر فراہمی یقینی بنائی جائے ، آٹے اور چینی کی ذخیرہ اندوزی برداشت نہیں کی جائے گی ،، مہنگائی کی جوبھی وجہ ہو، پریشان عوام کو ریلیف دینا ہے ۔