بیجنگ : چینی سائنسدانوں نے روایتی الیکٹرانک ٹرانزسٹرز کی بجائے فوٹوونکس پر مبنی انقلابی مصنوعی ذہانت (اے آئی) چپ ڈیزائن کی ہے، جس سے وسیع پیمانے پر فوٹوونک کمپیوٹنگ اور حقیقی دنیا کے لیے موثر اے آئی ایپلی کیشنز کی راہ ہموار ہوگئی ہے۔
اے آئی کی تیز رفتار ترقی کے لیے اگلی نسل کی کمپیوٹنگ کے لیے توانائی اور جگہ کا موثر ترین استعمال لازمی ہے، آپٹیکل ذہین کمپیوٹنگ نے اعلی پروسیسنگ کی رفتار اورتوانائی کے انتہائی موثر استعمال کے حصول کی جانب بڑی صلاحیت کا اظہار کیا ہے۔
یہ بات تسلیم شدہ ہے کہ کمپیوٹنگ کی صلاحیت اور توانائی کی کھپت میں اے آئی چیلنجزپر اگلی نسل کے کمپیوٹنگ پیراڈائم سے نمٹا جاسکتا ہے۔تاہم، موجودہ آپٹیکل کمپیوٹنگ عام مقصد کے ذہین کمپیوٹنگ کے لیے اپنی حقیقی صلاحیت پیش کرنے میں ناکام رہی ہے۔
یہ صرف ہندسوں کی درجہ بندی یا چھوٹے پیمانے پر پیٹرن کی شناخت جیسے سادہ اے آئی ٹاسک کو ہینڈل کر سکتا ہے،جریدے سائنس میں شائع ہونے والی اس تحقیق میں تیاچھی نامی منقسم آپٹیکل کمپیوٹنگ آرکیٹیکچر کے حامل فوٹوونک چپلیٹ کے حوالے سے بتایا گیا ہے۔
تسنگھوا یونیورسٹی کے محققین کی طرف سے تیار کردہ، تیاچھی چپلیٹ اعلی کمپیوٹنگ کی صلاحیت کی حامل اور توانائی کے انتہائی موثر استعمال کے ساتھ اعلی درجے کے اے آئی ٹاسک کو حل کر سکتی ہے۔
