اسلام آ باد /بیجنگ(کامرس ڈیسک)رواں سال 2024 کی پہلی سہ ماہی کے دوران پاکستان کی چین کو کاٹن یارن کی برآمدات 65.85 فیصد اضافے کے ساتھ 166.37 ملین ڈالر سے تجاوز کرگئیں۔ چائنہ اکنامک نیٹ کے مطابق عوامی جمہوریہ چین کے جنرل ایڈمنسٹریشن آف کسٹمز (جی اے سی سی ) کے اعداد و شمار سے معلوم ہوا ہے کہ 2024 کی پہلی سہ ماہی میں پاکستان سے 85 فیصد یا اس سے زیادہ پر مشتمل سنگل کاٹن یارن ” (کموڈٹی کوڈ 52051200) کی درآمدات اسی عرصے میں 72.70 ملین ڈالر کے مقابلے میں 99.12 ملین ڈالر سے تجاوز کرگئیں جبکہ “کاٹن یارن” (کموڈٹی کوڈ 52051100) کی درآمدات 65.78 ملین ڈالر سے تجاوز کرگئیں جو گزشتہ سال کے اسی عرصے میں 26.28 ملین ڈالر تھیں۔ چائنا آپریشنز کیون ٹریڈنگ لمیٹڈ کے جنرل منیجر سجاد مظاہر نے چائنا اکنامک نیٹ (سی ای این)کو بتایا کہ پاکستان کاٹن ٹیکسٹائل کی چین کی بڑھتی ہوئی طلب کی وجہ یہ ہے کہ چین کی صنعت برآمدات اور مقامی ڈان اسٹریم آرڈرز دونوں کے ساتھ خود کو متوازن رکھتی ہے۔ چند سال قبل پاکستان کی ٹیکسٹائل مصنوعات کی طلب صرف برآمدات کے لیے تھی لیکن اب اس نے چین کی مقامی مارکیٹ میں بھی اچھا مارکیٹ شیئر لے لیا ہے۔ چائنہ اکنامک نیٹ کے مطابق اس وقت پاکستان کی سپلائی میں کاٹن، کاٹن یارن اور گریج کپڑے شامل ہیں۔ ان کی مسابقتی قیمتوں اور معیار کی وجہ سے بہت سے گاہکوں کی طرف سے انہیں ترجیح دی گئی تھی. اس کے باوجود پاکستان کو اپنی ٹیکسٹائل برآمدات کو متنوع بنانے کے لیے بہت کچھ کرنا ہے۔ چائنہ اکنامک نیٹ کے مطابق انہوں نے مزید کہا کہ تنوع کے لئے پاکستان کو مقامی چینی مارکیٹ میں تیار مصنوعات فراہم کرنا ہوں گی اور پاک چین ایف ٹی اے کے فوائد سے فائدہ اٹھانے کے لئے بہت کوششوں کی ضرورت ہے۔ انہوں نے مزید کہا اگرچہ ہماری زیادہ تر مصنوعات “زیرو ڈیوٹی” کے تحت آتی ہیں ، لیکن جیسے گھریلو ٹیکسٹائل ، تولیہ اور ملبوسات۔ وغیرہ. بہت سے اچھی مقدار میں چینی مارکیٹوں میں داخل نہیں ہوسکتے ہیں .